
ŞÁKIL SOLTANGELDIŪLY
Soltankeldi myrza úsh nekeli bolǵan. Birinshi nekesinen Kóbes, Tabyldy, Itqara, Qarynbai, Sámembet, Qonysbai, Túrdyǵúl jeti úl.
Ekinshi nekesinen –Qojabaek jalǵyz. Úshinshi nekesi – Jap anamyzdan Maltabar, SHákil eki úl bolyp, kenjesi SHákil edi. Báibisheniń balalary ári kóp, ári irgeli bolǵandyqtan, az ata Maltabar, SHákildi mensinbei, Soltankeldiniń qara shańyraǵy báibisheniń kenjesi Túrdyqúlǵa tigip beredi.
Maltabar batyr búl kezde joq, keiin auylǵa kelse SHákil otyrǵan aq ordany kóshirip áketipti. Búl jolsyzdyqqa ashynǵan Maltekeń bes qaruynyń bir aibaltasyn alyp, bir keleli iske bel buady da, Soltankeldi myrzanyń qara shańyraǵy kenje úly SHákilde boluǵa tiisti ekenin aitady. Aǵalary búǵan maqúl bolmaidy. Óitkeni, Maltabar, SHákil az bolǵandyqtan, olardyń basynǵysy kelgen ǵoi. Tilin aldyra almai maqúldyǵyn, rizashyldyǵyn bermegen soń, qatulanyp, qairatqa kelgen Maltakeń aibaltasyn kóterip, úlken úidiń mańdaishalyǵy men tabaldyryǵyn dál ortasynan ekige bólip, jarmyn Túrdyǵúlǵa tastap, jarymyn alyp, úidi kóshirip ákelip SHákilge tigip bergen eken. Aǵalary aralasuǵa batyna almai, sharasyz jolǵa jyǵylyp qala beripti. Búl árine, Maltekeńniń turashyldyǵy, ata jolǵa júiriktigi, batyl, batyrlyǵynyń aiǵaǵy edi. Maltabar batyr jalǵyz inisi SHákildi betinen qaqpai, myrza etip, ayalap ósiredi. Ol bir joly inisinen:
- Seniń kóńiliń nege soǵady? Ne iske qyzǵasyń? – dep súraǵanda inisi:
– Sayatshylyqty únatamyn, qúsbegi bolǵym keledi, – deidi. Maltakeń el-jerdi aralap júrip, Qarakerei ishindegi bir auyldan tomaǵalap qondyryp, otyrǵyzyp qoiǵan úsh búrkitti kórip, inisinen:
– Osynyń qaisysyn tańdaisyń? – dep súraidy. Qyranǵa qyzyǵyp, búrkitti baqylap júretin inisi ortada qondyruly otyrǵan Sary bauyr, biik qabaq, qandy kóz, múzbalaqty tańdaidy. Maltakeń 14 jylqysy bar, bir qysyraqtyń úiirin matap berip, qústy inisine alyp beredi. SHákil babamyz búl qústy erekshe baptap, múzbalaq qyranyna ayu, qasqyr, búǵy-maral, tauteke, túlkiden tartyp, tórt ayaqtyny túgel aldyryp, 9 jyl qaiyryp salǵan eken.
https://kazneb.kz/kk/catalogue/view/1657755
Q-Andas aqparat











