سول كەزدە تورعاۋىتتىڭ حانزاداسى مانسۈكجاپتىڭ ەيەلى ۋجۋڭبيڭدى يلاندىرۋ وڭايعا تۈسپەپتى. بىراق تورعاۋىتتىڭ جاۋ جۈرەك باتىرى, اتامنىڭ تۆس سوعىستىرىپ سەرتتەسكەن دوسى بادىمانىڭ كۆمەگىمەن قازاق-تورعاۋىت جەر شەكاراسى بەكىتىلىپ, 3 مەتر اق ماتاعا قازاقشا, قىتايشا, موڭعولشا توقتام جازىلىپ, ەكى ەل اراسىنداعى داۋعا نۈكتە قويىلادى (بۇل قۇجات قايدا جۈر ەكەن دەشى?!). كەيىن قازاق يەلىگىنە ۆتكەن جەردىڭ بىر بۆلىگى «ۈش ايماق ۋاقىتتىق ۆكىمەتى جورالار مەجىلىسىنىڭ» №267 قاۋلىسى بويىنشا تورعاۋىتتارعا قايتارالىپ بەرىلدى. جەر داۋىنا وراي قازاق – تورعاۋىت اراسىندا تالاي رەت كەزدەسۋ ۆتىپ, ولاردان ەلشىلەر توبى كەلىپ, قازاق جاقتان ولارعا بارىپ, ەلدەستىرۋدىڭ جولى قاراستىرىلادى. وسى تۇستا ەل ىشىندە: «قازاق-تورعاۋىت ەلشىلەرى مۇراتبەك اقالاقشىنىڭ ۈيىندە كەڭسىپ, وماراقىن زەڭگىنىڭ ۈيىندە قوناق بولادى» دەگەن قاناتتى سۆز تاراعان. سول وماراقىن زەڭگى مەنىڭ اتام ەدى. ۆز دەۋىرىنىڭ ەگەيلەرىمەن ەتەنە جاقىن ۆتكەن كىسى. بىردە زەڭگىنىڭ ۈيىنە اقىن تاڭجارىق جولدىۇلى باستاعان بىر توپ قوناق تۈستەنەدى. ابىر-سابىر ۈستىندە تەكەڭ داستارقانداعى التىن جالاتىلعان قاسىقتىڭ بىرەۋىن قالتاسىنا سالىپ الادى.
مۇنى بايقاپ قالعان كۈتۋشى جىگىتتەردىڭ بىرى ومەكەڭە ايتىپ, تارتىپ الماقشى بولىپتى. سوندا وماراقىن زەڭنى
– تيمەڭدەر, ونىڭ شاراپاتى مەنىڭ ۇرپاقتارىما تيەتىن بولادى, – دەپ توقتاتىپتى.
قوناقتار اتتانىپ, بىراز جەرگە بارعاننان كەيىن تەكەڭ قايتا قايىرىلىپ كەلىپ, اتامنىڭ قولىن قىسىپ, قۇشاقتاپ:
– مەن دۈنيە قۇعان ادام ەمەسپىن. التىن قاسىعىڭا اڭسارىم اۋىپ كەتتى. ول مەندە قالسىن. ەسەسىنە مىنا زاتتى ساعان بەرەيىن, – دەپ قالتاسىنان جازىلىپ بىتۋگە تاياعان قارىنداشتىڭ تۇقىلىن ۇسىنادى:
– بۇل مەنىڭ اباقتىدا التى جىل وتىرعاندا ۇستاعان قارىنداشىم ەدى. سوندا بارلىق دۈنيەنى وسىمەن جازدىم. ەندى ساعان بەرەيىن. مەنىڭ اقىندىعىم سەنىڭ ۇرپاعىنا قالادى, – دەپ قايىرىلىپ جۈرە بەرىپتى.
https://kazneb.kz/kk/catalogue/view/1657755
Q-Andas اقپارات











