Raqymbaev Núrǵalyq 1897 jyly orta sharua otbasynda dúniege kelgen. ol 1920 jyldary Qaratal óńirinde komsomol-jastar úiymyn qúruǵa qatysady. 1930 jyldary auyl sharuashylyǵy artelin, sońynan kolhozdardy úiymdastyruǵa at salysady. Kolhoz basqarmasy auyldyq Keńes tóraǵasy qyzmetin atqarady. Náubet jyldary (1937 j.) alǵashqylardyń biri bolyp túrmege jabyldy. Izinshe 5-6 aidyń ishinde aqtalyp shyǵady. 1944 jyly Qazaqstannyń auyldyq keńes tóraǵalarynyń I-sъezine delegat bolyp qatysady. Sol jyly Keńes Odaǵynyń «Qúrmet» ordenimen marapattalady.
Auyldyq Keńestiń tóraǵasy bolyp túrǵan kezinde 1951 jyly «halyq jauy» retinde 8 jylǵa bas bostandyǵynan aiyrylady. Inisi Raqymbaev Núrqasym Moskvaǵa arnaiy baryp, Joǵarǵy Keńes Prezidumynyń tóraǵasy Gorkinniń qabyldauynda bolady. Isi Joǵarǵy sotta qaita qaralyp, aǵasy 8 ai degende túrmeden bosatylyp, aqtalyp shyǵady.
Keiingi jyldary zeinetke shyqqanǵa deiin auyl sharuashylyq salasynda basshylyq qyzmetter atqarady. Bertinde 1978 jyly qaitys bolady.
Óz arasynan jau izdegen sol bir qiyn zamanda bir áulettiń qos birdei betke shyǵar azamattary jazyqsyz jalanyń qúrbanyna ainalǵan. Alaida «Aqqa Qúdai da jaq» degendei aqtalyp shyqqan mysaldary kóptep úshyrasady. Solardyń biri Raqymbaev áuletinen taraǵan Núrǵalyq pen Núrqasym aqsaqaldar bolatyn.
Raqymbaev Núrqasyn qazirgi Birlik auylynda orta sharua otbasynda dúniege keledi. Ol 1920 jyldardyń ayaǵynda NKVD qúramy bólimshesinde qyzmet etedi. Al 1930 jyldary el shyrqyn búzǵan bandylarmen shaiqastarǵa qatysady. Audandyq partiya komitetiniń sheshimimen1933-1934 jyldary jańadan qúrylǵan Kókbastau kolhozynyń basqarmasy bolyp taǵaiyndalady.
Úly otan soǵysy bastalǵanda Núrqasym Raqymbaev Qazaqstan kolhozynyń tóraǵasy eken. Ol 1941 jyldyń ayaǵynda (brony bola túrsa da) óz erkimen Otan qorǵauǵa attanady. Leningrad, Volohov maidandarynda shaiqasyp, Pribaltika elderin azat etuge, Kenigsberg qalasyn aluǵa qatysady. Soǵys ayaqtalǵannan soń 1946 jyly ásker qatarynan bosap, elge oralady. Otan qorǵaudaǵy erligi úshin jáne birneshe medalьdarmen marapattalady. Múnan soń Qaratal audany sharuashylyqtarynda basshy qyzmetter atqarady. Alaida 1951 jyly auyl sharuashylyǵyna keltirgen ziyany úshin degen jeleumen (19 qozy tyshqaqtan ólgen) «halyq jauy» retinde kolhoz basqarmasy qyzmetinde júrip 10 jylǵa sottalady. Arada eki jyl ótken soń, 1953 jyly Stalinniń óliminen keiingi jylymyqtan soń raqymshylyq jasalyp, túrmeden bosatylady. Ómiriniń sońyna deiin (1957 j.) Birlik kolhozynda jauapty qyzmetter atqarady.
Onyń kindiginen taraǵan bizder – Maqsat (marqúm) pen óz basym, inim Múrat ardaqty ákemizdi árkez maqtan ári qaster tútamyz.
Maksim RAQYMBAEV
Úrpaǵy. Taldyqorǵan qalasy.
Jariyalandy. Qaraman Q. Qaratal aqtańdaǵy: tarihi-tanymdyq kitap-Almaty: «Toǵanai T». 2015. -240 b. -170–171 b.
