Ornalasqan jeri: Alakól audany, Qabanbai auylynyń mańyndaǵy Taldyqorǵan-Úsharal avtojolynyń boiynda.
Zerttelui: jurnalist Almat Esenbekov, ólketanushy-jurnalist Qajet Andas
Sipattamasy: Borsha qyrǵyny el kókteude otyrǵan kezde bolǵan eken. On myńdyq qalmaq qolyna Qarakerei Qaqal áulie bastaǵan úsh júzdei jigit úsh boiy tótep beredi. Eki kún jekpe-jekke shyǵysady. Úshinshi kún qazaqtardy sadaqpen atyp qyrǵan. Sodan soń ár adamdy tórtke bólip borshalaǵan. Qarańǵy túskennen keiin túnimen ot jaǵady. Ondaǵy oilary – peri bolsa, túnde úshyp ketui kerek. Úshinshi kúni Qaqal áulie Aqbozdara atymen qútylyp ketedi. Sodan beri el basyna zaual tónerde Borsha tóbeden Aqbozdara kisineidi eken degen senim qalǵan. Qazirgi Qabanbai auyly 1909 jylǵa deiin Borsha dep atalǵan. Qabanbai auylynya kire beristegi Borsha tóbede eshqandai belgitas joq. Degenmen el auzynda “Borsha tóbe” degen atpen qalǵan.
Ańyz-áńgime: Tarih betterin paraqtaityn bolsaq osydan eki jarym ǵasyr búryn ómir súrgen Qarakerei Qaqal áulie bastaǵan el Jońǵar Alatauyn bókterlei mal qamyn kúittep, kókteude jatqanda tútqiyldan shabuyldaǵan qalmaq qontaishysy qapysyz otyrǵan halyqtyń tórt túligin aidap, qyz-kelinshegin bailap áketedi. Namysymen nar súiregen bahadúr babamyz osy mezette qaru kótere alatyn úsh júz jigittiń basyn qosyp, on myńnan astam jaudyń jolyn bógeuge attanady. Eski dala zańyna sai alǵashqy eki kún qos qanattyń batyrlarynyń jekpe-jegimen ótedi. Birneshe qaitalap aiqasqa shyqsa da attan qúlamaǵan azamattarymyz erliktiń eren úlgisin kórsetip, qalyń qoldyń degbirin qashyrady. Osal qarsylas jolyqpaǵanyn sezgen qontaishy qúityrqy áreketke baryp, saiqal tásilge kóshedi. Sardarlarymen aqyldasa kelip, kúshpen almasyn túsingen ol ailamen jeńudi oilaidy. Sóitip soǵystyń úshinshi kúni sadaq oǵyn qarsha boratyp, oǵlandarymyzdy qoǵadai japyrǵan qalmaqtardyń ailasy asady. On myń adyrnadan atylǵan kóbe búzar jebeler úsh júz jigittiń sauytyn sógip, keudesinen ótse de jer qúshuǵa asyqpaǵan batyrlar aqtyq demderin ishterine tartyp, sońǵy shaiqastarynda kórsetken erlikteri ańyzǵa bergisiz oqiǵa. «Er súrinse eńkeimes jyǵylar tik» demekshi tizeleri búgilmegen, bastary iilmegen qazaqtardyń máiitinen de seskengen qontaishy olardyń denelerin bólshektep, borshalap, jan-jaqqa súirep aparudy búiyrady. Sodan ol jer «Borsha tóbe» dep atalyp ketken kórinedi. Búl qyrǵynnan «Aqbozdara» atynyń arqasynda aman qalǵan Qaqal áulie túnimen jau ordasyn aralap, onsyz da qúty ketken qalmaqtardy shetinen bauyzdap, jeńiske masattanǵan eldi dúrliktiredi. Bastan ayaq qanǵa boyalǵan batyrdy kórgender ony aruaq, peri dep oilap, asyp-sasady. Tipti keibir júzbasylar, myńbasylar jeke-dara qashyp ketuge de tyrysyp, qalyń qol bóline bastaidy. Búny estigen qontaishy búkil dalany ot jaqtyrtyp, alau tútatyp alastatady. Sol sátte adal arǵymaǵyna mingen Qaqal áulie tóbe úshynan qarap túrǵan desedi. Sodan beri el basyna zaual tónse «Borsha tóbeden» Aqbozdara kisineidi degen senim qalǵan.
Siltemesi: http://alakol-aynasy.kz/bahad-r-babalar-bejiti/
Q-Andas ақпарат.











