
Ornalasqan jeri: Kóktal okrugine qaraityn Áulieaǵash auylynyń joǵarǵy jaǵyndaǵy Kieli aǵashtan soltústikke qarai 200-300 m aralyqta beiittermen irgeles shyǵys jaǵyndaǵy saida ornalasqan.
Zerttelui: A. Tórehanovtyń «Bi Salpyq» kitabynda jan-jaqty mol maǵlúmattar jazylǵan.
Sipattamasy: 2008 jyly Salpyq bidiń Aibyn Tórehanov bastaǵan shóbere, shópshekteri Almatydaǵy «KAZGOR» jobalau akademiyasy mamandarynyń saraptamasy boiynsha keseneni qaita jańǵyrtyp salǵyzǵan. Sebebi, búrynǵy keseneni su shaiyp, qabirdi búzǵandyqtan osyndai sheshimge kelip, QMDB –nyń rúhsatymen keseneni qaita jańǵyrtqan. Keseneni qaita salu barysynda Ózbekstannyń Horezm oblysyndaǵy №10 kirpish zauytynan kúidirilgen sary kirpishterdi jáne ózbekterdiń óz ishinde óte zor bedelge ie Baltabai ústany da kómekshilerimen birge alǵyzyp jasaǵan.
Sóitip, 2008 jyldyń 28-shi qarashasynda Áuliaǵash auylynyń mádeniet úiinde «Salpyq bi kesenesiniń qaita jańǵyruy» arnalǵan saltanatty jinalys ótti. Jiylysqa Almatydan qoǵam qairatkeri M. Moldahmetov bastaǵan Suannyń bir top jaqsy men jaisańdary qatysty. Alash aqyny Orazaqyn Asqar, jerlesimiz belgili jazushy Júsipbek Qorǵasbekter sóz sóilep, bayandamalar oqyldy.
Ańyz áńgime: Salpyq bidiń – Naimannyń Qyzaiy SHonjarǵa aitqan sózderi, Jalaiyr Ájibai bolysqa qúda túsuge barǵanda bergen batasy men Albannyń Aljan ruynan shyqqan Qairanbai bolysqa qarymta qaitaru maqsatymen óleńdetip aitqan sózderi, tapqyrlyq, sheshendik sózderi turaly el arasynda ańyz bolyp aitylyp, kónekóz qariyalardyń auzynan túsken emes.
Silteme: A. Tórehanovtyń «Bi Salpyq» kitaby, Almaty 2020j.











