Ornalasqan jeri: Alakól audany, Ekpindi auylynyń kireberisinde
Zerttelui: ólketanushy-jurnalist Qajet Andas zerttep júr
Sipattamasy: Eskertkish kúrejoldyń boiyna ornalasqan. Búrynda eskertkish bolmai túrǵan kezinde osy mańda jol apaty jii oryn alyp, júrginshiler ary-beri saparlaudan qinalatyn kórinedi. Keiin auyl aqsaqaldary osy jerge jerlengen batyrdyń úrpaqtaryn izdep, tauyp, el azamattardyń júmyluynda 2015 jyly Qazaq handyǵynyń 550 jyldyǵyna orai Toqbolat Toqmergen batyrǵa eskertkish ornatady.
Qońyrat taipasynyń Toqbolat ruynan shyqqan Toqmergen batyr qybyr etkendi qaǵyp túsiretin has mergen bolǵan eken. Onyń júrektiligi jońǵarlarmen bolǵan qiyan-keski shaiqastarda baiqalǵan. Tipti, halyq úshin qara basyn kúitteuge múrshasy kelmegen batyrdyń bar ǵúmyry qandy qyrǵyndardyń ortasynda ótken, desedi.
Búl kitapta Toqmergen batyrdan bólek, Toqbolattan tuǵan basqa da elge eńbegi sińgen jandardyń ómiri beinelengen. Osy oraida, ótkenge úńilu, tarihty túgendeu, babalar amanatyn úrpaqqa úǵyndyru – búl, esti jandardyń eter tirligi, degen shejireshi Mombek Ábdákim Múrat Tólentaevtyń búl tuyndysyn bir eldiń entsiklopediyasyna balaidy.
«Eline qorǵan bolǵan er Toqmergen» kitaby 13 tarau, 505 betten túrady. Ony jinaqtauda naqty derekterge súiengen avtor, alys-jaqyn elderdegi arhivterdi aqtarǵanyn aitady. Ázirge, 1000 tirajben jaryq kórgen tuyndyǵa búginniń ózinde qyzyǵushylyq tanytqandar kóp.
Ańyz-áńgime: Orta júzdiń Qońyrat ruynan shyqqan Toqbolat batyr XVI ǵasyrda Syr boiynda ómir súrgen.
Atylǵan bir jebeniń ústinen jaryp túsetindei ekinshi jebeni tura atqandyqtan Toqmergen degen atqa ie bolǵan.
Boiy 2,28 metrge jetetin alyp kisi bolǵan. Atqa mingende ayaǵy jerge tiip júrgen. Sol sebepten árdaiym túiege mingen.
Myńbasy bolǵan Toqbolat batyr jońǵar shapqynshylyǵy kezinde Úigentas, Ańyraqai shaiqastaryna Syr boiynan Jalańtós Bahadúrmen birigip kómekke kelgen. Jaudy jeńip eline qaitar jolda qaitys bolady. Sodan jerlengen jeri shamamen Ekpindi auylynyń kire beris jerinde. 2014 jyly Qońyrat eliniń azamattary kelip, as berip, qúlpytas ornatqan.
Silteme: https://www.youtube.com/watch?v=NIEHguFDiII
https://stan.kz/tokbolat-tokmergen-batyrga-eskertki/
Q-Andas ақпарат.











