Ornalasqan jeri: Jetisu oblysy, Alakól audany, Dostyq auylynyń irgesindegi Toqta tauynyń bauraiynda
Zerttelui: Keiingi kezde ólketanushy-jurnalist Qajet Andas zerttep júr. Tereńdete zertteudi qajet etedi.
Sipattamasy: Qorym Toqtau tauynyń bauraiyndaǵy jazyqqa ornalasqan. Taudan qúlap aǵatyn ózenniń eki bókterine ornalasqan qorymda kimderdiń jerlengeni turaly tolyq aqparat joq. Biraq keiingi jyldary atalarynyń osy qorymda jerlengenin dáleldeuge úmsytlǵandar belgi qoiyp, tu shanshyp júr. Qorymǵa kireberiste qazaq-jońǵar arasyndaǵy sońǵy shaiqasta qaitys boldy delingen birqatar adamnyń aty-jóni, ruy, erlik dástúri beinelengen taqta qoiylǵan. Al ózenniń shyǵysyndaǵy dóń ústine Qabanbai batyrǵa arnap qoiylǵan eskertkish bar. Sondai-aq, búl mańda ejelgi saq qorymdary da kezdesedi, túrki dáuirine tán jerleu ereksheligi de saqtalǵan. Qorym Úsharal-Dostyq kúrejolyna jaqyn jerde bolǵandyqtan táu etetinderdiń sany kóp. Biraq saqtaluy nashar.
Ańyz-áńgme: Áli de tarihyn túgendep bitpegen Qazaq-jońǵar soǵysy turaly tyń derekter jyl ótken saiyn jaryqqa shyǵyp jatyr. Tom-tom kitap jazylǵanmen, tasada qalǵan qúpiyalar jeterlik. Bir jarym ǵasyrǵa sozylǵan qazaq-jońǵardyń sońǵy ret kúsh synasyp, túyaǵynan hal ketkenshe qarsylasqan shaiqasy turaly birneshe núsqa bar. Dese de, Alakóldi boilai qonystanǵan eldiń úrpaqtary qazaq-jońǵardyń sońǵy shaiqasy Toqta tauynyń etegindegi qalyń qorym jatqan tústy belgileidi. Rasynda Jalańash kól men Dostyq shegara ótkeliniń arasyndaǵy tau bókterinde tastan úiilgen qorym men jylqynyń jaly, eshkiniń maiymen topyraqqa aralastyryp, qúiylǵan kirpishten qalanǵan keseneler bar. Onyń keibiri jarym-jartylai mújilse, birazy jermen-jeksen bolypty. Al tas qorymdar sol bayaǵy qalpymen tarihtyń túńǵiyǵynan syr shertedi.
Keiingi jyldary atalarymyzdyń batyrlyǵy men el qorǵaudaǵy erligin úlyqtaǵan el tóbe basyna tu shanshyp, keibir qorymǵa saiǵaq qadap, endi birine belgitas qoiyp, sai ishine kireberis jerge úlken taqta ornatyp, sol joiqyn shaiqasta qaitys bolǵan úsh júzdiń batyrlarynyń esimin jazyp qoiypty. Ortasyn ózen bólip túrǵan eki dóńniń ainalasyndaǵy qaptaǵan qorymnyń búginge deiin naqty anyqtamasy aitylǵan joq. Júrt táu etetin qasietti jerge ainaldyrǵan orynnyń osy kúnge deiin tarihshylardyń, ólketanushylardyń, zertteushilerdiń de nazaryna ilinbei kelgenine tańǵaldyq.
Silteme: «Jetisu» gazeti. №116. 2022. 3 b.











