SENI IZDEDIM
Seni izdedim kelmeske ketken kerqaiyr jaqtardan,
Seni izdedim pák kóńil, sábi shaqtardan.
Saǵyndyrdyń meni tanysqan sonau shaqtardan,
Saǵyndyrmai endi samaldai kelip, ópshi aldan.
Seni izdedim Barkóldiń baqsha-bauynan,
Seni izdedim Tiyan-SHannyń asqar tauynan.
Seni izdedim sirkirep jauǵan jauynnan,
Bir habar ákeler dep dámelimin dauyldan.
Seni izdedim jas janymnan, jaralymyn,
Qabatynda qaiǵynyń qalamyn myń.
Bir úmit entelep kep terezemnen,
Seni ańsaumen qabaǵymdy shalady kún.
Seni izdedim qashaǵan júirik jyldardan,
Seni izdedim quraǵan qúba qúmdardan.
Ǵashyǵym meniń, qarakóz qalqam qaida dep,
Súradym seni sybyry syrly taldardan.
Seni izdedim – qaida ystyq maǵan qúshaǵyń?
Seni izdeumen jetimge beibaq úqsadym.
Seni izdedim – kógershin, maǵan úshpadyń,
Júregimnen qan shyǵyp, dáriǵa-ai, qatty jyladym!
Seni izdedim, alysyp túrar hat qaida?
Múńymdy shaǵyp júregim, meniń aiqaila!
Sarǵaiǵan japyraq, sarǵaiǵan sabyr – bári bir,
Ǵashyq sezim qashanda ot kóńildi aldai ma?
Seni izdedim júbatar múńdas óleńim,
Seni izdedim, óleńsiz kúnim – ólemin.
Seni izdedim qiyada qimai kelemin,
Sol qiyanyń órinde qolym jetpei túr ediń.
Seni izdedim – qarttyq jeńip qaimyǵyp qalam bir kún,
Bilesiń be? Sonda kelip halyńdy súraidy kim?
Seni úmytaiyn desem de tastai qatyp,
Qara it bolyp talaidy qyzǵanysh-múń.
Seni izdedim kelmeske ketken kezderden,
Jaiymdy úǵar ózińsiń, qalqam kóz kórgen.
Sen meni balalap súi júregińe,
SHyn sózim, shybyndai janym ózgermen.
JAI OTYŃDAI
JARQYLYŃDY SAǴYNAM
Názik músin,
Saǵan janym qúmartyp qalypty shyn.
Júregimniń lúpilin sen dep soqqan,
Jazǵan osy jyrymnan tanyp, túsin.
Janǵa jailym,
Jalt etken janaryńa janǵandaimyn.
Kógershinim, ǵashyq etken appaq qúsym,
Saǵynyshymdy alyp úsh, samǵa daiyn.
Súlu kerim,
Júregińniń mazdaǵan otyn bergin.
Saǵan jazǵan yntyqtyqtyń syryn oqyp,
SHyn ǵashyqtyń serti dep tanyp, bekin.
Júpar demiń,
Qúshaǵyńda keledi janyp ólgim.
Meni súigen júregińnen ainalaiyn,
Perishteden kem emes seniń lebiń.
Núr janaryń,
Jalynyńa shydamai tún jaramyn.
Tamúq betin tilip ótken tylsym sáule,
Jai otyndai jarqylyńdy saǵynamyn.
Janyp túrsyń,
Ai betinen tógilgen appaq núrsyń.
Myń bir túnniń aitatyn hikayasy,
Men úshin jazylmaǵan tylsym jyrsyń.
Aq bilegim,
Qúz basynan qúlatpas bir tireuim.
Qúshtar jannyń súiinishi sáule shashyp,
Túrip tastar jabyqqan oi túnegin.
JÚLDYZ KÚLGEN
Qarashyǵyń – júldyz kúlgen túngi aspan,
Oi tabamyn janaryńnan syr jatqan.
Tynysyńnan júpar iis úrlanyp,
Júregime erik berip jol ashqan.
Seniń lebiń – tań shuaǵy qyr asqan,
Seniń júziń Ai men SHolpan jarasqan.
Qara shashyń maida-maida tolqyndai,
Qabaǵyńnyń qiyǵynda syr jatqan.
Jan-dúnieńniń kirsizdigi – perishteniń ózindei,
Jan emespin men ony júretúǵyn sezinbei.
Jalyn atqan núr-sáuleli peiiliń,
Mamyrdaǵy kúnniń quat kózindei.
Júpar samal daladaiyn peiiliń,
Baǵy bolar júrekke jylu qúyar meiiriń.
Meniń mynau yntyq bolǵan janyma,
Seniń názik sezimiń – suat alar eginim.
JANARLAR
Baiqap kórshi, adamdar,
Múń túnegen janar bar.
Kóz – kóńildiń terezesi,
Syr túlegen janarlar.
Jalyn shashyp janarlar,
Júrekterdi jaralar.
Syryn aityp janarlar,
Jan dúnieńe bara alar.
Qońyr, jasyl ǵalamshar
Myń boyaumen jasanar.
Kók te, qara, sary janar –
Bári adamǵa jarasar.
Myń boyaudan kórkemdik
Súlulyq bop taralar.
Ǵashyqtyqqa jol ashqan
Janarlarda jalyn bar.
Yńkaryna syr ashyp,
Jymyń etken júldyzdar.
Súigen janǵa súiinbei,
Ókinishke qalmańdar.
Túnyq bolsa asyl ar,
Janaryńnan atoilar.
Sezimińe nár bergen
Júrektegi jalyndar.
SHyn ǵashyqtar janardan
Jalyn otqa qarylar.
Qarǵys ta bar, alǵys ta bar –
Janardan bop jarylar.
SHerli bolsa adamdar,
Jasyn tóger janarlar.
Moiyndamas qarttyqty,
Sónbei túrar jalyndar.
Mahabbat bar, qarǵys bar,
Kóńilde de janar bar.
Kózi qyzyl dúshpan bar,
Janary oqtai qadalar.
Quanysh bar, úrei bar,
Janarǵa kep panalar.
Nápsiqúmar arsyzdar
Janarymen atqylar.
Ókinishten adamdar
Janarlardy jas qylar.
Ómirińniń shyraǵy –
Janarlardy ayalańdar.
Eljiregen ǵashyqtar,
Bir-birińdi baiqańdar.
Móldir janar tereńnen
Júrekterdi oqyǵan.
Jalǵandy jalmap keter
Janarlardan saqtanǵyn.
Kóziń toimas dúniege,
Kóńil qansyn kórkemge.
Móldiretip janardy,
Tap-taza ǵyp erteńge,
Jas sábidei móldirep,
Jainasynshy keleshek.
Janarlar-au, janarlar,
Arai núrǵa malynar.
SHattyqpenen saǵynysh
Súigenderden nár alar.
Quat bolsyn bárine
Mańdaidaǵy janarlar.
Kóńilińe kúdik salsa da,
Kóziń kórip seze alar.
Au, janarlar, janarlar,
Adamzatqa, álemge
Perishtedei qarańdar!
Adal, appaq júrekke
Daq qondyrmai barańdar.
Janarlar-ai, janarlar,
Kirsiz, múńsyz sábidiń
Janaryndai jainańdar.
TÚNGI SYR
Jym-jyrt bop múlgigen maqpal tún,
Eńsemdi kep myjyǵandai qaqsal múń.
Sary dala, saǵymdy aspan, dariya –
Sen úshin sharpyǵandai ǵalamdy kún.
Asyryp ǵalamatyn qarańǵylyq,
Eńsemniń erneuinen qasqyr úlyp.
Maqpal kórpe – qońyr túnniń qoinauynan
Estilgendei bir úniń maǵan qanyq.
Kerbez dala, túni jomart, júpar aua,
As bolardai tynystap jútqan janǵa.
Meiirli meniń appaq arman qúsym,
Júldyz bolyp tóne tús ańsaǵanda.
Ińkárlikten nár alǵan meniń kúshim,
Tún qúshyp jalǵyz mine otyrmyn shyn.
Tynys tappai aq mamyqta ary qarap,
Búrymyńdy jamylyp jatyrmysyń?
Sarqylmaǵan boiyńda aqyl, kúshiń,
Deneń bólek, ruhyń bir janymsyń.
Alqarakók túngi aspanǵa jaryq bergen
Júldyzdyń kirpigindegi núrmysyń?
Ketpeitin bir dám qaldy tańdaiymda,
Óshpeitin bir án qaldy yrqymdy ala.
Aqynnyń órshil tuǵan júreginde
Jalyn ot sen bolarsyń – janǵan dara.
ASAU KÓŃIL, ALAU JYR
Baqyt izdep núr shuaqty kúnderden,
Jylu izdep maqpal qara túnderden.
Jym-jylas bop jatyr ótip ǵúmyrym,
Asau kóńil arman izdep jigerden.
Qairan jastyq jarqyldaǵan almastai,
Túk bitirmei túgedi ǵoi qyr aspai.
Kórgen qyzyq – sóngen jalyn sekildi,
Arman qúsym úshty alys, ústatpai.
Asau kóńil, alań kóńil serisiń,
Keide qúiyn, keide tylsym perisiń.
Kóńil hoshyn quyp ketken kezimde,
Altyn túǵyr ar-úyatym, esilsiń!
JOL
Jol jatyr tabanyńnyń astynda tóselgen,
Jol – dúnieniń tórt tarabyna kósilgen.
Myń qiyndyq kezikse de bir jol bar,
SHeshim tappas shie joq – aqyly zor estiden.
Jol keide baqqa bastar, keide sorǵa bastar,
Qadam saiyn jolda kúter tolǵan syndar.
Joldar jatyr súireńdegen, ireńdegen,
Joldarmenen jasalady talpynystar.
Óner-bilim joly – úly jol tausylmaityn,
Úly eńbek jaratady úlylar jasymaityn.
Joldar tylsym, joldar kóp biz barmaityn,
Jolyn tapsań, esik joq ashylmaityn.
Joldar, joldar basylady eńbekpenen,
Joldar úzaq pendeni jetkizbegen.
Ólim joly – sońǵy jol, sońǵy túraq,
Joldarmenen qoshtasarsyń kóz ilgende.
Handyqtyń qasqa joly – Qasym hannyń,
Elge teńdik ápergen eski joly – Esim hannyń.
Aq joly ádilettiń, haqtyń joly,
Taza joly adastyrmas músylmannyń.
Táuelsizdik – teńdigimniń úly joly,
Tilim, dinim kórkeier yrys toly.
Qazaq tuy astynda túlejigen,
«Elim!» dep úran salǵan shattyq joly.
Alash joly, ata joly, ar joly,
Qazaǵymnyń adastyrmas ór joly.
Baba jolyn qadir tútqan balasy
Ardaqtasyn qasiettep máńgi ony.
AZAMAT
Azamat pa – azamat eldiń iesi,
Azamat pa – azamat jerdiń iesi.
Eli úshin qozatyn delebesi,
Elimenen kógeretin kósegesi.
Arda tuǵan azamat el bastaǵan,
Elin súigen azamatty el saqtaǵan.
Qazaq beker aitpaǵan «el maqtaǵan»,
El maqtaǵan jigitti qyz jaqtaǵan.
Elin súigen azamat – biik túlǵa,
Eńbegimen ainalar súiikti úlǵa.
Túǵyryna tu tikken úlylyqtyń,
Azamattyń armany – asqar qúz da.
Azamat bar – sizdiń jer de, bizdiń jer de,
Qút ákelsin, baq ákelsin búl elge.
Halqy úshin júlyp berer óz júregin,
Egei tuǵan esil erler kóp elde.
El qorǵany, jer qorǵany – azamat,
Azamatta bolmas áste qiyanat.
O, azamat, elim saǵan amanat,
Amanatqa jasalmaidy qiyanat!
Ǵaryshqa da samǵap jatqan azamat,
Ǵalamattar jasap jatqan azamat.
Últqa túǵyr, elge tirek – azamat,
Áz basyńa jamalmasyn jaman at!
Azamat ataq qumas – márt keledi,
Elge abyroi, elge qút ákeledi.
Eli úshin etigimen su keship,
Qara taudai qaiǵyny da kóteredi.
Azamattyń ar-namysy – eń keregi,
Azamatymen alash álemge teńeledi.
Úmitin úkilegen qalyń elge
Azamat aqylymen óń beredi.
DALA JYRY
Úly dala, syrly dala, ien dala,
Saǵym oinap, bóri jortqan keń dala.
Qanat talyp, túyaq kúigen keri dala,
Qúshaǵyndaǵy qúty – kenish seri dala.
Aru dala, ásem dala, sary dala,
Ayaz qylysh, aq myltyqty qarly dala.
Qataldyq ta, jomarttyq ta bar dala,
Álmisaqtyń syryn búkken kári dala.
Qúba qalmaq jortyp ótti jonyńdy,
Jońǵar jauyz jaryp ótti tonyńdy.
SHegir kózder atom jaryp tósińdi,
Jaraqattap, jauyr etti qońyńdy.
Aqsha búltqa, asqar tauǵa jetkizgen qolymdy,
Dalam ediń dońyzdarǵa bastyrmaǵan jolymdy.
Han otyrar tórińe, batyr qorǵar jerińe,
Kelimsekke qany jatty syilap júrmiz – sonymdy.
Dala, dala – arman dalam, aq dalam,
Jomart, mańǵaz, kerbezdei keń dalam.
Qońyr minez qazaqtai qońyr ólkem,
Jer betinde jerúiyq sen – dalam.
Dala – dala, ayaqtalmas simfoniya,
Dala – dala, suymas ystyq úya.
Qansha aqyn qosty eken seni jyrǵa,
Qansha úlǵa baq syiladyń, qansha qyzǵa?
Ózenderi tulaǵan seter dala,
Sańlaqtary qunaǵan erke dala.
Bailyǵym da, baqytym da sende ǵana,
Sensiz meniń tirligim – beker dala!
Ǵashyq boldym kózine
Jiyrma jastyń alaulaǵan kezinde,
Bir qyzǵa men ǵashyq boldym kózine.
Qúshtar boldym, alasúryp dert jútyp,
Janym erip, nazǵa toly ózine.
Sámbi taldai yrǵalǵan sándi denesi,
Ańyzdai bop elestedi kelbeti.
Kóńilim toi, rizashylyq taptym men,
«Izdegen ǵashyq jarym – naq osy!» – dep edim.
Óleń jazdym ińkár dertke berilip,
Maqpal túnde Ai da oǵan telmirip.
Qyzyl iek ymyrttardan izdedim,
Oi men qiyal jan erkimdi kemirip.
Áttegen-ai!
Sol aru alystady jaiyna,
Jete almadym janarymnyń Aiyna.
Kókiregim kúrsinip te aiyrylyp,
Júrekke kep ornyqty múń-uaiym.
Múny kórip bir dosym syr súrady,
Jaiyp saldym jazylmaǵan múń-zaramdy.
«Sezimge úkim júrmeidi eken», – dep sonda
Tańdai qaǵyp, ózi de bir múńdandy.
Sodan beri ótti jyldar jeldei bop,
SHyndyqty da jasyrdym myń ańyz qyp.
Oilap túrsam, osy kúnde de ras-au,
Dosym aitqan sózde bar eken mańyz kóp…
ÓTIP BARA JATYR-AU
Ótip bara jatyr-au kúz degeniń,
Kúderimdi men senen úzbedim.
Saǵynysh pa, súiinish pe – bilmeimin,
Qyz deminiń lázzaty óshpedi áli de.
Meńli qyz – óziń ediń izdegenim,
Kóktem-jazdy ótkizip kúzge keldim.
Kók júzine kóz salsam, sen barsyń,
Júldyzymdai túnde kúlip júrgenim.
Qimai-qimai qarai berip edim,
Bir basyńa baǵa jetpes dara ediń.
Áli de izdep kelemin, janym-au,
Jaryq bolyp jolyma túra berdiń.
Jolymdy jaryq qylǵan shamshyraǵym,
Jyr bolyp shuaǵyńa tamshyladym.
Myń asyldyń ishinen dara túrǵan,
Quatyńnan nár alsam dep asyǵamyn.
Elesteidi janaryń qaraqattai,
Qalai ǵana sabyr saqtap túra alam?
Qiyalmenen jaqyndaiyn áiteuir,
Taǵat tappai, sezimmenen synalam.
Ótip bara jatyr-au kúz degeniń,
Yrqymdy alyp barady izderiń.
San qiyaldyń ishinen seni tauyp,
Sansyraǵan sezimmenen kóz ilemin.
……GE
Ymyrt bitip, qoyu tún jamylǵanda,
Saǵynyshtan qayau múń tabylǵanda,
Kóz aldymda kúlimdep jan terbetip,
Ot qúshaq bop oi túbinde qaldyń da.
Ómir keide otqa, keide suǵa saldy,
Tátti armanym basqa kúige ainaldy.
Talai kúnniń qyzyǵyn talaq etip,
Endi saǵan baqytyńdy syilaudy ańsadym.
Meiirlim-au, dármenińde keiis bar,
Oilaǵandai bolmaidy eken kei ister.
Ystyq nazyńa yntyq bolyp júrip-aq,
Jabyrqadym, jabysqaq bir kúi keshtim.
YApyrym-ai, gúlim ediń kúlimder,
Úmitim sen, «kúnim» dermin búgin de.
Ayaz qaryǵan janymdy jylytshy,
Qaisarlyqtyń qajymaityn kúshin ber.
Qara maqpal túnge qúlap otyrsyń ba,
Oiǵa batyp sen de mendei údaiy?
Júregiń dir-dir etip soqqan joq pa,
Kól betine dirildegen núrdaiy?
PAQ, SHIRKIN
Demińnen júpar iis ańqidy,
Delebemdi qozdyryp jyr tolqidy.
Sámbi taldai sándi boiyń kóz alda,
Perishteniń kelbetindei jarqyldy.
Úlbiregen ystyq erniń, lebiń bar,
Túlaboidy tulatatyn demiń bar.
Seniń demiń sharpysa bir júpardai,
Quanyshtan qúlqym da bir jelpiner.
Keń mańdaiyń, jarasymdy kelbetiń,
Jaidarly bop jaralǵan bir ǵajapsyń.
Ónboiyńnan jylylyq bop taralyp,
Jan balasyn baurap túrǵan symbatsyń.
Erkimdi alyp eriksiz sen túr ediń,
Bir úmittiń aq jiegin men kútem.
Baǵyma balap, seni kútip júrip-aq,
Bólensem dep qyzyqqa men júrem.
Jan shuaǵyńnan tań atqandai aǵarar,
Tán quatym altyn araiǵa boyalar.
Ai symbatty ajaryń kóz qaryqtyrǵan,
Jan qúmaryn qozdyrmai qalai qoyar?
Sózińnen de bir qúshtar úndi estimin,
Kúnim endi tym qiyn bop ketkenin.
Ǵashyq jannyń qasireti ólsheusiz,
Jyrǵa toly júregim tek sen úshin.
Ǵashyqtyq keudemdegi máńgi ánim,
Meiir qyz, sen súietin jyrlarym.
Mahabbattyń hanyshasy – jalǵyz óziń,
Óshpeitúǵyn arqauy áńgimemniń.
JAŃBYRLY TÚN
Jańbyr jauyp, kúzdiń júzin búlt basqan,
Jyrtyǵynan meiir tókken kók aspan.
Júpar aua, dala tósi kirshiksiz,
Qandai ǵajap jer men aspan jarasqan.
Kóńil kútken arman – aq aspan,
Ómir ózi jyrlap bitpes naq dastan.
Las qoǵam eńsemdi ezip jatsa da,
Ruhym biik – kóńil kógim qúz asqan.
Jańbyr – súlu tazalyqtyń tamshysy,
Jai otyndai namysymnyń qamshysy.
Saldanǵan sezimge quat berip,
Arman besiginde terbetken balshysy.
Kúzgi jańbyr – jastyǵymnyń sońǵy úni,
Ótken ǵúmyr, sóngen sáule – óń-túsi.
Úly tabiǵat – máńgi ólmes kie kúsh,
Jastyq shaqqa qaita oraltar serpisi.
KÓRGEN SAIYN
Kórgen saiyn keledi kórgim seni,
Qúshaǵyńa bólep bir sezim selin.
Júregińniń ishine quanysh bop,
Báisheshektei qúlpyryp engiń keledi.
Bolmasqa da sengim keldi bir sátte,
Armanymnyń biigine úmtylyp.
Alasatqan júregimmen arpalysyp,
Bar áureńe kóngim keldi túnshyǵyp.
Saǵynyshqa quanyp súiin, janym,
Ǵashyqtyqtyń sarǵaiǵan syryn tany.
Beineń seniń sáule bop shashylardai,
Aq tańnyń shuaǵy jieginen tamyp.
Súiem seni, súiem seni – máńgige,
Talai syrdy aitpadym men áli de.
Súigendikten jyr jazdym da, án saldym,
Tamyljytyp talai sezim tógildi.
Jaralanyp auyrlady halym da,
Oilarym da júk bop basty janymdy.
Seni ǵana qalap túrsam júrekpen,
Basqa janǵa syr ashudyń máni ne?
Qarashyǵyńnan qúshtar lebiń seziledi,
Qara kózden qansha jas tógildi endi.
Saǵan yntyq sezimniń alauymen,
Qaisarlyqtyń qabyrǵasy sógiledi.
SÁLEM SAǴAN
Sálem saǵan –
Aily túnniń aq kúmis kirpiginen,
Aqsha búlttyń aq púldyz tilkiminen.
Aulaqta jalǵyzsyrap jabyrqaǵan,
Áupildegen aq mamyq úki úninen.
Ai astynda asyǵa kútip em men,
Asyl júrek armanyn úkilegen.
Tabatyndai bop ózińdi kóz tigemin,
Kúlkiń sińgen asau ózen gúrilinen.
Izdeimin taǵy seni ǵashyqtar kúbirinen,
Ilingendei tamshynyń dir-dirinen.
SHattanǵanda sharyqtaimyn kókke úshyp,
SHabyt alyp túlpardyń dúbirinen.
SÁULEM-AI!
Ińkár ettiń jaidarly únińmenen,
Bal qylyǵyń jan sezimim silkilegen.
Júregime bir qúshtarlyq qúiylady,
Ińkárliktiń alai-dúlei dúrsilimen.
Baurap alar baqytym-ai móldiregen,
Pák sezimniń aq perdesi úlbiregen.
Núr júzińnen janyma meiir qonyp,
Janaryńnan súyudiń kúshin kórem.
ÓZIŃDI OILA
Ózińdi oilap tulap júrek syzdady,
Ózegimde ot úshqyny qozdady.
Qyzyqtardan ketkenime bezinip,
Quanyshtyń qyzyl oty qyzbady.
Jastyq shaqtyń sezimderi kún saiyn,
Qinady-au, janymdy da úshtadyń.
Yntyq bolyp seniń pák janyńa,
Jas júregim jalyn otqa ústaldy.
Júrek júdep, arman qaldy qańǵyryp,
SHattyǵymdy saǵynyshqa tańdyryp.
Kúnniń kózin búlt basqandai kómeski,
Sarsań sezim sabylyp júr san qily.
Jastyq shaǵym aq qaiyńdai máueli,
Biikterge tamyr tartyp áli de.
Ańsaǵan arman byt-shyt bop ketse de,
Jabyrqauǵa janym qalai kónedi?
Solai mine, ińkár janym óksipti,
Taǵdyr joly tarpań tartyp ketipti.
Qozy menen Bayan da ǵashyq bop ótti ǵoi,
Tar zamannyń úkimi jetipti.
Jyrǵa ǵashyq adam boldym laulaǵan,
Óleń izdep qatparly jyldardan.
Bezinemin shattyǵy joq kúnderden,
Túńilemin júldyzy joq túnderden.
Kóp kúnderim quanyshsyz ótude,
Esken jeldei bir baǵytta ketude.
SHuaq núrdy búlttar jauyp túrmasa,
Kórinseńshi, kókjiegim kútude!
Oilar, oilar, uyt tókpei meiir ber,
Qaiǵy-múńdy kókpardai ǵyp serpip kór!
Jabyǵystan jauyr bolǵan janymdy,
Bir ózińnen basqa janym kim biler?
Sortań soqpaq, búrań joly saǵymdy,
Ylǵi ǵana múńǵa qarai sabyldy.
Alǵashqy mahabbattan qalǵan belgi –
Saǵynyshtan jylap tuǵan jyr boldy.
Oidy aqtaryp, syrlar mine tógildi,
Jylap jatqan kóńildi qalai júbatamyn?
Ǵashyq jannyń kuásindei eljirep,
Janarymnan ystyq jastar aǵyldy.
Ǵashyqtyǵym – taǵdyr bergen syi shyǵar,
Bala qústai bauyn ashyp qiyaldar.
Júldyz bolyp jymyń etip jarqyrap,
Súlulyqtyń symbatymen túndyrar.
Arulardan kórgendeimin Táńirdi,
Ǵashyqtyqtyń kórdim talai jábirin.
Óz júregim óz erkime baǵynbai,
SHyn súyudiń sezdim qatal ámirin.
Ǵashyqtyqtyń alau kúni kógimde,
Núr shashady sezim atty serige.
Súiinu men kúiinu de ǵalamat,
Kie sezim – jete bermes jerime.
Talai kúzdiń aq tańy da atsa da,
Aru túnniń maqpaly da jatsa da,
Sezim oty alǵash seni kórgende
Jalyn bolyp júregimde bastalǵan.
«Q-andas» aqparattyq agenttigi
Jalǵasy bar…
