SHara barysynda elimizdiń, óńirimizdiń órkendeui úshin eleuli eńbek etip júrgen jetisulyq qoǵam qairatkerleri, mádeniet, óner salasynyń maitalmandary Halyq ártisi Almahan Kenjebekova, Qazaqstannyń eńbek sińirgen qairatkeri Kendebai Temirbaiúly, «Qúrmet», «Parasat» ordenderiniń iegeri, kompozitor, dirijer, jeke tektik qor iesi Áli Alpysbaev, Qazaqstan Respublikasynyń mádeniet qairatkeri, jurnalist, Almaty oblysynyń jáne Qaratal audanynyń Qúrmetti azamaty Ámire Árin, aitys salasynyń aqtańgeri Aitaqyn Búlǵaqov, ardager jurnalist Bolat Bisúltanov, Almaty oblysynyń mádeniet, arhivter jáne qújattama basqarmasynyń bólim basshysy, aqyn Tóleujan Ǵúmarov oilarymen bólisip, arhiv qyzmetin órkendetu jaily úsynystaryn tilge tiek etti. Al SH. Uálihanov atyndaǵy Tarih jáne etnologiya institutynyń bas ǵylymi qyzmetkeri, tarih ǵylymdarynyń doktory, professor Orazgúl Múhatova jeke tektik qorlar boiynsha ǵylymi zertteu júmysyn júrgizudiń mańyzdylyǵy men ádistemesi jáne onyń el men jer tarihynda alatyn orny jaily keńinen toqtalyp, kópshilikke beitanys derekter men taǵylymdy dúnielerdi dáiekpen jetkizdi.
Oblystyq arhivtiń bólim basshysy Kenje Qanapiyanova jeke tektik qor qúruǵa qatysty bayandama oqyp, jeke tektik qor ashudyń joldary men talaptaryn túsindirdi. Onyń aituynsha, búgingi tańda oblystyq arhiv mekemelerinde respublikanyń, Jetisu oblysyna qarasty audan-qalalardyń damuyna zor úles qosqan jeke túlǵalardyń 86 (2 215 is) jeke qory saqtaluda. Jeke tektik qújattardy zertteu, tanymal túlǵalardyń ómiri men qyzmetindegi tarihi faktorlardy zerdeleu ziyaly qauym ókilderiniń qalyptasuyna, ǵylymnyń damuyna úles qosady. Óitkeni, arhivterde saqtalǵan árbir qújat – tarih ainasy. Sondai-aq, memlekettik arhivke saqtauǵa alynǵan qújattardy arhiv qyzmetkerleri úqyptylyqpen saqtap, paidalanushylarǵa úsynady.
Sol qatarda tektik qor iesi, ólketanushy-jurnalist Qajet Andas «Andas áuletiniń otbasylyq jeke tektik qory» turaly tanystyrylym jasady. Onyń aituynsha, otbasylyq qorda 56 is, myńnan asa qújat jinaqtalǵan. Onda 1919-2022 jyldar aralyǵyndaǵy shaǵatai, tóte jazumen jazylǵan qúndy qoljazbalar men fotosuretter jáne kartalar, sondai-aq, Andas otbasy músheleriniń qújattary, eńbek jolyndaǵy jetistikteri, kitaptary tolyq jinaqtalǵan. Sonymen birge Qytaidaǵy qazaqtarǵa qatysty tyń derekterdi de osy qordan tabuǵa bolady. Búginge deiin otbasylyq qordaǵy qoljazbalar negizinde aitys jáne jazba aqyn, tarihshy Andas Omaraqynnyń «Tarih talǵarynda», «Doda», «Jyldar izi» atty úsh kitaby qúrastyrylyp, jaryq kórse, biyl 3 kitapty daiyndap, baspaǵa úsyndy. Ótken jyly Sayasi quǵyn-súrgin qúrbandaryn tolyq aqtau jónindegi júmys toby atalǵan otbasylyq qordaǵy qújattar boiynsha Qytai asyp, qaza bolǵan, aty atalmai júrgen birqatar Alash ziyalylarynyń deregin anyqtap, Jetisu oblysy boiynsha daiyndalǵan jinaqtarǵa engizdi.
SHara sońynda Jetisu oblysynyń memlekettik arhiviniń direktory Gúljihan Rustembekova qonaqtarǵa alǵysyn jetkizip, kelushiler nazaryna úsynylǵan kórme men arhiv qoimalaryn tanystyrdy.
«Jetisu-Aqparat»
