Úlar etin jediń be,
Úly tauǵa bardyń ba?
Úly úisin elinde,
Táńirtau degen jerinde.
Meken etken san qily –
Jeti atasy qústyń da.
(ejelgi halyq óleńi).
Erte, erte, ertede bir han bolypty. Onyń jetpis qatyny bolsa da, bireuinen shyr etken úrpaq kórmei zar jylapty:
Bir oqymysty oǵan:
– Úrpaqty bolam deseńiz, basqadan áiel alsańyz úrpaqty bolasyz, – dep keńes aitypty.
Han sol keńes boiynsha Maǵrúptaǵy bir bóten eldiń qyzyn alypty. Aitsa, aitqandai jyl uaǵynda bir qyz bala kórip, atyn Úler dep qoiypty. Úlerden keiin úrpaqty bola beripti.
Úler tolyqsyp, boi jetipti. Súlulyqta aldyna jan salmapty. Úler erjetkende hannyń qolastyndaǵy bir qúlynyń Qyrdauyl degen úlyna ǵashyq bolypty.
– Súiekke tańba boldy. Ekeuiniń de kózin joyu kerek, – dep jarlyq shashypty.
Hannyń qatar jarlyǵyn estigen qyz ben jigit bir túni qashyp ketedi. Han qalyń qolyn qaptatyp júrip, bir jyl izdep, zorǵa tauyp alyp, Qyrdauyldy oq ótpes qalyń qamysty aralǵa ótkizip jiberip:
Qús bolyp ómiriń ótsin, – dep qarǵapty.
Búl qorlyqqa shydamaǵan Úler Úlytauǵa biraq tartypty.
Búlardy qalyń qolmen izdep taba almaǵan ákesi qyzyn:
– Adam balasy jete almaǵan taz tauda qalyp máńgilikke qús bolyp ót, – dep qarǵapty.
Sóitip uaqyt óte kele Úler – úlarǵa, Qyrdauyl – qyrǵauylǵa ózgerip, bireui oida, bireui tauda qús bolyp máńgi qalypty.
Keiin Úlerdi naǵashylary izdep kelip, Úlytauda qús bolyp ketkenin bilip, qansha izdese de taba almai qaitady. Keiin úlar qús jer álemdi sharlap júrip, táńir taudyń bauraiyna kelip, máńgilik meken etipti.
Derekkóz: Tarih talǵarynda [Mátin] : (Tarihi zertteuler, esse, maqalalar) / A. Omaraqyn- Taldyqorǵan : [b. j.] , 2022.– 500 dana . – ISBN 978-601-7865-39-9 (1-t.), ISBN 978-601-7865-36-8 1-tom .– 287 b., suretti .
https://kazneb.kz/kk/catalogue/view/1657755
“Q-Andas” aqparattyq agenttigi
Jalǵasy bar…
