Ústazdyq jol – auyr jol. Onyń biigine tek qajyry men qairaty bekem, jolai kelgen qiyndyqqa moiymaityn birbetkei jandar ǵana shyǵa alatynyn ómir san márte dáleldep berdi.
«Árkimniń tuǵan jeri – Mysyr shahary» demekshi, segiz ózen órnektegen, seri qyrdyń mekeni bolǵan Jarkent jerinen túlep úshqan Maulipa Tájieva bala kezinen ústaz bolsam degen úly armanynyń jeteginde júrdi.
Armany aldamady. Almatydaǵy Abai atyndaǵy pedagogikalyq instituttyń jaratylystanu-geografiya fakulьtetiniń himiya-biologiya bólimin bitirip shyqqannan keiin qarapaiym ǵana, biraq erke samalymen janyńdy jelpip ótkende bar uaiymnan aiyǵatyn Aidarly auylyndaǵy orta mektepke múǵalim bolyp ornalasady. Eger basqalar siyaqty biiktikti qalap, jaily oryn izdese, múmkindik kóp edi. Biraq ol biiktikten góri balalarǵa bilim berudi artyq sanady.
Árbir tańyn úmitpen atyryp, shákirtiniń jetistigine quanyp, quanyshty keshterin mándi ótkizgen 28 jyldyq ústazdyq qyzmetinde qadap aitarlyqtai jetistikterge jetti. Eń bastysy, bala boiyna adamgershilik qasietterdi sińirudi, patriottyq tárbie berudi, oqushylardy ortaǵa qarai damyta oqytudy basty ústanym etti. Sondai-aq oqushylardyń shyǵarmashylyq órisin ósiruge bar qajyryn júmsady. Qolynan túlep úshqan shákirtteriniń tabysymen marqaiyp otyrdy. Qinalsa birge qinalyp, quansa birge shattanatyn.
Jaratylystanu salasyndaǵy bilimdi, ásirese biologiya men himiya pánin balalarǵa úǵyndyru ońai emes. Múndai pánderdi tek kitappen ǵana emes, tájiribe arqyly da dáleldep, oqushyǵa kózbe-kóz túsindiru qajet. Endeshe, atalǵan pánderdi oqytudyń qiyndyǵyn baǵamdai berińiz. Dese de, jańashyl ústaz qiynnan jol tauyp, oqushylaryn kitaptaǵy jattandy bilimdi igeruden góri zertteu júmysyna júmyldyryp, izdenu ádetin qalyptastyruǵa baulydy. Olar oblystyq, respublikalyq baiqaularda top jaryp, ústaz eńbeginiń nátijesin dáleldep jatty.
Sonyń biri – Aigerim Moldahmetova. Onyń «Keurekqasqyr ósimdiginiń ekologiyasy jáne ony qorǵau» taqyrybyndaǵy zertteui 2003 jyly Almaty qalasynda ótken oqushylardyń ǵylymi-zertteu júmystaryn qorǵau baiqauynda birinshi oryndy jeńip alyp, auyldyń bedelin bir kóterip tastaǵan edi. Árine, shákirttiń osyndai jetistikke jetui úshin ústazdyń ózi de sondai izdeniste boluy kerek. Dei túrǵanmen, búgingi bas paidasyn kóbirek oilaityn kezde múndai batyldyqqa tek Maulipa sekildi yqylasty ústazdardyń ǵana bara alatynyn sezemiz.
Eńbektiń de óteui bolady. Onyń júmysqa belsendiligin mektep újymy men basshylyǵy joǵary baǵalady. Jii-jii bilim beru salasy mamandarynyń basqosularyna shaqyryp, tájiribesin tyńdaityn. Eńbegi elenip, 2005 jyly ózi jetekshilik etetin synyby audan kóleminde tehnika páni boiynsha ótken seminarda «SHeber» alǵys hatymen marapattaldy. Sol jyly Jeńistiń 60 jyldyǵyna orai balalarǵa patriottyq tárbie berudegi jetistigi úshin mektep ákimshiliginiń Qúrmet gramotasyna ie boldy. Birneshe jyl qatarynan audandyq bilim bóliminiń Qúrmet gramotasyn aldy. Sondai-aq úzaq jyldar boiy bilim beru salasynda jinaqtaǵan tájiribesin respublikalyq, oblystyq merzimdi basylymdarda jariyalap, oi-pikirin oqyrmanmen bólisip otyrdy. Tipti, onyń shákirtteriniń jetistigi audan mektepterindegi oqushylarǵa úlgi bolyp keledi.
Ómir dáleldegendei, óz mamandyǵynyń sheberi, óz pániniń bilgiri Maulipa Tájievany ústazdar áuletiniń igi dástúrin jalǵastyrushy deuge de bolady. Ákesi Toqtarbek, sheshesi Aitbúbi de talai jastyń talabyn úshtap, armanyna jol ashqan ústazdar bolsa, búgingi kúni Toqtarbek atanyń eki nemeresi de bilim beru salasynyń bilgirleri. Ataqpen, dańqpen, mártebemen emes, balalarǵa ólmes ónege, óshpes bilim berudi maqsat etken jandar osylar.
Taǵdyrdyń qataldyǵy bolmasa, ol áli talai biikterden kóriner edi. Oǵan audan mektepteri arasynda ótken «SHeber múǵalim» baiqauynda úshinshi oryndy ielenip, mereilengeni de dálel bola alady. Tipti, osydan jiyrma jyl búryn óz qolymen úshyrǵan túlekteriniń kezdesui ótip, asyǵa kútken shákirtteriniń jetken biigin kórip, jigerlene túser edi. Ne shara, beimezgil ajal aramyzdan alyp ketti.
Biraq ústazdar úlaǵatynyń boiyna úyalaǵan Maulipa apaidyń ózine ǵana tán, qaitalanbas bolmysy, eshqandai marapatty mise tútpai-aq, shákirtteriniń jan-jaqty bilimdi azamat boluyna baryn arnap, jan ayamai eńbek etip, kásibine barynsha adaldyq tanytqan kirshiksiz qasieti onyń shákirtteriniń maqtanyshyna ainalyp, auyl júrtynyń júrek túkpirinde saǵynysh bolyp qala beretini shyndyq.
Qajet Andas,
«Jeitsu» gazeti, №139, senbi, 11 jeltoqsan 2010
