Baqqoja Múqaidyń birneshe shyǵarmasynyń sahna tórinde óz kórermenderin tauyp júrgenin bárimiz bilemiz. Árine, oiy oramdy, shyǵarmashylyǵy súńǵaq avtordyń atalǵan tuyndysyn qai qyrynan qarap baǵalasań da úlken oiǵa júk bolary anyq. Múnda qazaqtyń jomarttyǵy janyna jarasqan bir otbasynyń tirligi sóz bolady. Qoly ashyq, peiili darhan otaǵasy tastandy bala, zábir shekken ana, júregi jaraly áiel, taǵy basqa tirliktiń teperishin kórip júrgen adamdarǵa kómektesudi ádetine ainaldyrǵan. Búl sol otaǵasynyń boiynan kórinis tapqan qazaq halqyna ǵana tán últtyq qasiet edi. Alaida, búgingi mynau almaǵaiyp zaman sol keńpeiil jandardyń da sanasyn lailai bastaǵany anyq. Jomart kóńildiń kómeskidegi jauy – bailyqtyń azdyruymen, ázázil bolyp shyǵa keletin dúnieqońyzdyq ekenin avtor ashyna jazady. Biraq, zaman qalai qúbylsa da, adam qalai ózgerse de ómirde birǵana ózgermeitin shyndyq bar. Ol “Arym janymnyń sadaǵasy” deitin qazaq degen halyqtyń “Ardy” zańnan da biik sanaityn filosofiyalyq qaǵidany anyqtap beredi. Jarasymdy otbasy men tereń súiispenshilikte bizdiń azamattar men arularǵa tán ekenin sanaǵa synalap sińirumen de qúndy.
Avtory – Baqqoja Múqai
Qoyushy rejissery – Múrat Ahmanov, QR eńbek sińirgen artisi
Qoyushy suretshi – Qamza Qaiyrbaev, QR Mádeniet qairatkeri
Muzykamen kórkemdegen – Á. Tináli, QR eńbek sińirgen qairatkeri
Qalai aitsaq ta, qoiylym sahnaǵa tilenip túr. Sondyqtan da kórermenderdiń kóńilinen shyqty. Kúlip otyryp úyalǵan, jylap otyryp oilanǵandar kóp boldy. Oǵan qoyushy rejisser Múrat Ahmanov pen qoyushy suretshi Qamza Qaiyrbaevtyń kóp ter tókkeni anyq. Endi bir jaǵynan spektaklьdegi rolderdi birinen birin bólip nemese bas, qosymsha keiipker dep ajyratyp jatudyń keregi joq, barlyǵynyń ómirde óz orny bar. Biraq akterlerdiń sheberligine tánti bolasyń. Aq kóńil Zańǵar rolin Jeńis Joldybaev, ayauly jar Nazgúldi Hazima Núǵymanova súmdady. Sanduǵash Núǵymanova – Gúlnaz, Múratjan Mahmútúly – Qambar, Álihan Ydyrysheva – Gúlshara ájei, Núrlan Álbosynov – SHorabai aqsaqal bolyp shyǵa keldi. Qara somqesin qysyp ústap kele jatatyn Qali rolinde Abai Núǵymanov, qateligin keiindep tanyǵan kelinshekti Roza Qapesheva ádemi oryndap shyqty. Mine, osy akterlar eńbegi qazaq últyna tán asqan jomarttyqtyń búgingi tańdaǵy kúrdeli qaishylyqtarǵa úilese bermeitin ańqaulyq jaǵyn ashyp beredi. Búl rolderdi áli talai akterler qaitalaityn shyǵar, dese de, búgingi qoiylym óz qúndylyǵymen kórermenniń kóńilinde qalǵany anyq.
Bizdiń halqymyzdyń san ǵasyrlyq alapattan aman-esen ótip, búgingi eńseli el bolyp otyruynyń biri, halqymyzdyń últtyq ónerin qaster tútqandyǵy. Teatrdyń qoyushy rejisseri Múrat Ahmanovtyń sózine súiensek, qazir qazaq jastarynyń ónerge degen qyzyǵushylyǵy artyp keledi. Oǵan sebep, sońǵy jyldary teatr újymy birneshe tyń dúnieni sahnalaǵan. Aldaǵy josparlary da az emes, dese de, teatr sahnasyna keregi “Toiy kóp úi” siyaqty oiy men oramy jarasqan kórkem shyǵarma. Bizdiń qoǵamǵa keregi de osy.
Qajet ANDAS
Derekkóz: “Jetisu” gazeti, №20, beásenbi, 24 aqpan 2009 jyl.
