1944 jyldyń sońy men 1945 jyldyń basynda Úsh aimaq tóńkerisi jeńiske jetkennen keiin qúrylǵan Úsh aimaq úkimeti bastapta aqalaqshylyq túzimdi qaitadan jolǵa qoidy. Basty rulardy negiz etip, 5 aqalaqshy, bir myńbegi sailandy. «Azdyń aty ozbaidy» degendei, Soltangeldi eli ishindegi bir anadan tuǵan Maltabar, SHákil az ru bolyp, ózge juan atalardan qaqpai, qysym kórip shyǵyndar bola bergendikten halqy olardan bólinip shyǵyp óz aldyna bir záńgi el bolyp qúryludy tilenip joǵaryǵa aryz úsynady. Úsh aimaq uaqytyly ókimetiniń jańa belgilemesi boiynsha 1945 jyly Maltabar, SHákil ruy Qojabek záńgisinen bólinip shyǵyp, bir záńgi bolyp úiymdastyrylady. Kózi ashyq, sauatty azamaty Omaraqyndy elbasy záńgi etip sailaidy. Sol kezde záńgilik belgi úshin tańba berip, shekpen kigizip, belin oraityn Almatydaǵy zauyttan arnaiy jasalǵan qara mata belbeu berilgen eken. Búl zattar Omaraqyn záńgige de berilgen. Ókinishke orai, basqa zattar uaqyt óte kele joǵalyp, qara mata belbeu búginge deiin Andas otbasynda saqtalyp keldi. Omaraqyn ómir boiy osy beldikti belinen tastamai orap júrgen eken. Talai qiyndyqqa jolyqqanda sol belbeu sep boldy dep búgingi úrpaqtary rymdap saqtap keledi.
1952 jyldyń kóktem kezi Keńsu óńirinde de kollektivtesudiń alǵashqy adymda úly nauqany alǵa qoiyp sai-salada tarydai shashylyp júrgen bytyrandy el úiymdasyp, bir araǵa túńǵysh bas qosyp, kiiz úiimen auyldasyp qonystandyrady. Úiym Keńsudan toǵan alyp, tusyp jatqan Kesiktiń ústine su shyǵaryp, astyq egudi josparlaidy. Adamdar birtútas attanysqa kelip Kenereden ósteń aluǵa qatynasady. Toǵan qúrylys qyzu júrip jatqan bir tústa ósteńniń ortasynan úlken qaratas shyǵady. birneshe adam tóńiregin qazyp, yrǵap kóredi de qozǵai almaidy.
– Osy tasty kim kóterip syrtqa shyǵaryp tastasa, sol adam osy toǵan qazu júmysynan bosatylady, – dep jaryalaidy brigadir.
Ózin myqty sanap júrgen, talai jarysqa qatysyp júldeger atanǵandardan Teberek siyaqty birneshe baluan tasty kóterip shyǵara almaidy. Sol kezde Omekeńniń 49 múshel jastaǵy kezi eken.
– Táuekel men kóreiin, – dep eki jarym metir keletin qara búl belbeuin beline myqtap orap, úzyn arqan aldyryp tasty bailap, kóterip ósteń ishinen anadaiǵa shyǵaryp tastaǵan eken. Basshylyq aitqan uádesi boiynsha ósteń qúrylysy bitkenshe ol kisini júmysqa shaqyrmapty.
Jádiger búginde Andas otbasy qorynda saqtauly túr.
Tarih talǵarynda [Mátin] : (Tarihi zertteuler, esse, maqalalar) / A. Omaraqyn- Taldyqorǵan : [b. j.] , 2022.– 500 dana . – ISBN 978-601-7865-39-9, ISBN 978
https://kazneb.kz/ru/bookView/view?brId=1657755&simple=true#
jalǵasy bar…
